Iň eýjejik gyzjagaz – 2026
Aşgabat şäheriniň 88-nji orta mekdebinde orta mekdepleriniň 2 – 4-nji synplarynda bilim alýan okuwçy
gyzjagazlaryň arasynda «Iň eýjejik gyzjagaz – 2026» atly şadyýan bäsleşigiň şäher tapgyry geçirildi. Bäsleşigiň çäklerinde Türkmenistanyň Şekillendiriş sungaty muzeýiniň muzeý gymmatlyklaryndan düzülen göçme sergisi gurnaldy. Sergide türkmen nakgaş sungat eserlerinden I.Aşyrowyň «Türkmen bedewi», M.Kakabaýewiň «Türkmen saz gurallary», N.Taganowanyň «Dünýäm, sen eje», O.Ummadowanyň «Güller» şeýle-de türkmen keramika sungaty eserlerinden A.Taganowyň «Şarlawuk», S.Muhammedowanyň «Tawus» atly eserleri hem-de amaly-haşam sungatyna degişli eserler birnäçe görkezildi.
