Täzelikler

«Halypalaryň ussatlyk mekdebi»

Türkmenistanyň Şekillendiriş sungaty muzeýinde «Halypalaryň ussatlyk
mekdebi» atly gepleşigiň täze sany ýazgy edildi. Muzeýiň bölüm müdiri Söýün
Sähetgylyjowyň alyp barmagynda ýazgy edilen bu gepleşik türkmen amaly-haşam
sungatyna bagyşlandy.

Il-günüň kal­by­na de­ňelýän ne­pis we owa­dan ha­ly­la­ry dogrusynda
muzeýiň bölüm müdiri Aýgül
Bekmiýewa çykyş etdi. Ol öz çykyşynda me­de­ni mi­ra­sy­myzyň iň aja­ýyp sun­gat ese­ri hök­mün­de
bar­ha kä­mil­leş­di­ril­ýän türk­men ha­ly­synyň nepisligi, gözelligi barada
giňişleýin gürrüň berdi.  Türk­men
gelin-gyzlarynyň uz bar­mak­la­ry­nyň gud­ra­tyndan dö­re­ýän ha­ly önüm­le­riniň
hem halkymyzyň dur­mu­şy­ny be­ze­ýändigini belledi.

Gobelen sungatynyň özboluşlylygy bilen muzeýiň baş gaznalary goraýjysy
Mähri Atdaýewa tanyşdyrdy. 70-nji
ýyllardan başlap türkmen amaly-haşam
sungatynda  uly gyzyklanma döreden gobelenleriň taryhy barada gürrüň berdi. Türkmen suratkeşleriniň tejribesinde
giňden ulanylýan bu sungatyň kompozision
gurluş we  bezeg aýratynlyklary barada giňişleýin beýan etdi. Gobelen ussatlary hökmünde
giňden tanalýan A.Hojagulyýewiň,
W.Gyllyýewanyň,  K.Baýlyýewiň döredijiligi bilen içgin tanyşdyrdy.